|
ބްރޯޑްކާސްޓަރުންނަށް ލައިސަންސް ފުޅާކޮށްދިނުން |
 |
 |
|
ނޫސްބަޔާން
22 ފެބްރުއަރީ 2012
ރާއްޖޭގެ ބްރޯޑްކާސްޓަރުންނަށް މުޅި ރާއްޖެ އަށް ބްރޯޑްކާސްޓް ކުރުމަށް ލައިސަންސް ދޫކުރަން މޯލްޑިވްސް ބްރޯޑްކާސްޓިން ކޮމިޝަނުން ފެށި ފެށުމަށް މިޖަމްއިއްޔާ އިން މަރުޙަބާ ކިޔަމެވެ. އެގޮތުން ރާއްޖެ ޓީވީގެ ޚިދުމަތް މުޅިރާއްޖެ އަށް ފުޅާ ކުރުމަށް އެދުމުން އެފަރާތަށް އެ ހުއްދަ ދިން ފަދައިން އެހެން ބްރޯޑްކާސްޓަރުންނަށް ވެސް ހިފެހެއްޓުމެއް ނެތި ވަގުތުން ހުއްދަ ދިނުމަށް މި ޖަމިއްޔާ އިން ގޮވައިލަމެވެ.
ބްރޯޑްކާސްޓަރުންނަށް މިނިވަންކަމާ އެކު ޚަބަރާއި މަޢުލޫމާތު ފެތުރުމަށް އެއްވެސް ދާއިރާއެއްގެ ފިއްތުމެއް ނެތި މުޅިރާއްޖެ އަށް ލިބިގެން ދިއުމަކީ، ރާއްޖޭގެ އެކި ކަންކޮޅުތަކުގައި ދިރިއުޅޭ ރައްޔިތުންނަށް ތަފާތު މަޢުލޫމާތުތައް ލިބިގަތުމަށް ފުރުޞަޠު ހުޅުވިގެންދާނޭ ކަމެއް ކަމަށް މި ޖަމިއްޔާ އިން ދެކެމެވެ. އަދި ތަފާތު ޚިޔާލުތަކަށް ޖާގަ ހުޅުވިގެންދާނޭ ކަމެއްވެސް މެއެވެ. އަދި ހަމަ އެހެންމެ ޚަބަރާއި މައުލޫމާތު ފެތުރުމުގައި އެއްފަރާތަށް ވުރެ ގިނަ ފަރާތްތަކަށް ބައިވެރިވެވޭނެ ގޮތް ހަމަޖައްސައިދިނުމާއި ތަފާތު ބާވަތްތަކުގެ ޚިޔާލުތަކަށާއި ތަފާތު ވިސްނުންތަކަށް ފުރުޞަތު ލިބޭނެ ގޮތް ހަމަޖެއްސުމަކީ ވެސް މުހިންމު ކަމެއް ކަމަށް ދެކެމެވެ.
|
|
އިތުރަށް...
|
|
|
ދިވެހިރާއްޖޭގެ އަޑާއި ޓެލެވިޜަން މޯލްޑިވްސް އެމްބީސީއާއި ޙަވާލުވުން. |
|
|
|
ނޫސްބަޔާން
15 ފެބްރުއަރީ 2012
ރާއްޖޭގައި ޕަބްލިކް ސާވިސް ބްރޯޑްކާސިޓިން އަކަށް ޖާގަ ހޯދުމަށް، ގާނޫނުގެ ދަށުން އުފައްދާފައި މޯލްޑިވްސް ބްރޯޑްކާސިޓިން ކޯޕަރޭޝަން "އެމްބީސީ" އާއި، ޓީވީ މޯލްޑިވްސް އާއި ދިވެހި ރާއްޖޭގެ އަޑު ހިންގަން ހަވާލުކުރުމަށް އާ ސަރުކާރުން ނިންމި ނިންމުމަށް މި އެސޯސިއޭޝަނުން މަރުހަބާ ކިޔަމެވެ. އަދި މިއަދު އެ ކޯޕަރޭޝަނުގެ ފަރާތުން އެ ދެ މުއައްސަސާ ހިންގުމާ ހަވާލުވެ، މަސައްކަތް ލައިންއަޕު ކުރުމަށް ފެއްޓި މަސައްކަތަށް ވެސް މަރުހަބާ ކިޔަމެވެ.
|
|
އިތުރަށް...
|
|
މުޒާހަރާ ކަވަރު ކުރުމުގައި ޙަރަކާތްތެރިވާ ނޫސްވެރިންނަށާއި ތަކެއްޗަށް ގެއްލުން ލިބުން |
|
|
|
ނޫސްބަޔާން
08 ފެބްރުއަރީ 2012
އެމް.ޑީ.ޕީ އިން މިއަދު މެންދުރު ފަހު މާލޭގައި ފެށި މުޒާހަރާ ކަވަރު ކުރުމަށް ޙަރަކާތްތެރިވާ ނޫސްވެރިންނަށް އެކިވަރުގެ އަނިޔާތައް ލިބި، ހާނީއްކަ ވަމުން ދާތީ އާއި، މުޒާހަރާ ލައިވް ކުރުމަށް ރާއްޖެ ޓީވީން ބޭނުން ކުރަމުން ދިޔަ ކޭބަލެއް ފުލުހުން ނެގި ކަމަށް ބުނާ މައްސަލަގައި ދަންނަވަމަވެ.
ނޫސް އިދާރާތަކާއި ނޫސްވެރިން މިއަދު އަދާކުރަމުންދާ ޒިންމާއަކީ، ހިނގަމުންދާ މުޒާހަރާގެ ޚަބަރުތައް ކަވަރުކުރުމާއި އެކު އެމަޢުލޫމާތުތައް ރައްޔިތުންނާއި ހަމައަށް ފޯރުކޮށްދިނުމުގެ މުހިންމު ޒިންމާއެވެ. އެޒިންމާ އުފުލުމުގައި ނޫސްވެރިން ޙަރަކާތްތެރިވަނިކޮށް ނޫސްވެރިންނަށް ހުރަސްއަޅާ ނޫސްވެރިންނަށް އެމަޢުލޫމާތުތައް ލިބިނުގަނެވޭ ގޮތަކަށް ފަހަތަށް ޖެއްސުމަކީ ބަލައިގަނެވޭނޭކަމެއް ނޫނެވެ. އަދި ހަމަ އެހެންމެ ޚަބަރާ މަޢުލޫމާތު ފަތުރާ އިދާރާތަކަކުން ބޭނުން ކުރާ އެއްޗެއްސަށް ގެއްލުންދީ ހުރަސް އެޅުމަކީ ކަންބޮޑުވާކަމެވެ. އަދި ހަމަ އެހެންމެ ރާއްޖޭގެ ބައެއް ރަށްރަށުގައި ހިނގަމުންދާ ހަމަނުޖެހުންތައް ކަވަރު ކުރުމަށް ނޫސްވެރިން ޙަރަކާތްތެރިވާކަން ފާހަގަކުރަމުން އެނޫސްވެރިންނަށްވެސް ހުރަސްނޭޅުމަށް މިފުރުޞަޠުގައި ގޮވާލަމެވެ.
|
|
އިތުރަށް...
|
|
|
